كراكيب

    شاطر
    avatar
    dolcy
    جيو صاعد
    جيو صاعد

    انثى عدد الرسائل : 21
    العمر : 30
    Localisation : alex
    university : alex
    تاريخ التسجيل : 16/10/2007

    كراكيب

    مُساهمة من طرف dolcy في 2007-11-25, 9:55 pm

    مريلتك الصفراء في الابتدائي..
    فيونكة شعرك الصغنونة..
    أول عربية لعبة بابا يشتريها لك..
    أول عروسة شديت شعرها ع الآخر وبقت "قرعة"..
    الكراتين الفاضية..
    علبة الشيكولاتة الصفيح..
    البنطلون اللي قصر عليك وبقى زي الميكروجيب..
    والقميص الكاروهات النص كم اللي بقى كت عليك..
    بطاريات الساعة..
    وشاحن الموبايل اللي غيرته بماركة تانية - الموبايل مش الشاحن-..
    علب الكريم وقزايز زيت الشعر..
    فرشاة الأسنان اللي بقت يا عيني من غير أسنان..
    معجون الحلاقة اللي اتنت أنبوبته لآخر قطرة..
    قزايز زيت الذرة وعلبة السمن النباتي..
    و.. و.. و..

    ]عد زي دول وأكتر هتلاقي في بيتكم من دي كراكيب ياما وياماوخلينا من أولها كده نفرق..
    بين "كراكيبك الشخصية".. و"كراكيب الكراكيب"!
    الأولى هي المرتبطة بذكرياتك وأيام الطفولة والمراهقة والشقاوة والبراءة والشباب.. والحاجات دي لو لمتها كلها على بعضها.. مش هتزيد عن كرتونة صغنونة مربوطة بفيونكة حمراء ومحتفظ بيها في الدولاب وفي ركن من قلبك

    دول ما حدش يقدر يقول لك عليهم بيعهم.. هو فيه حد بيبيع ذكرياته؟

    لكن خلينا في كراكيب الكراكيب!
    اللي هي كل الحاجات الكتير الزحمة دي الموجودة في بيتكم وأنت ووالدك ووالدتك وأخوك وعمك وخالك وجارك والبواب عارفين كلكم إن مالهاش أي لزمة..
    Geneva, Arial, Sans-serif]وكل ما تيجي تنظم الحياة في البيت.. تيجي تفرزهم وتتأكد إنهم فعلا مالهومش لزمة...
    بس تقول لنفسك.. لأ ياعم بكرة ينفعوا.. خليهم خليهم!.. وتحط عليهم كراكيب جديدة.. وكراكيب تانية.. وكراكيب وراء كراكيب.. يتحول بيتكم إلى كركوبة كبيرة!

    طب تعرف إن كلمة كراكيب أصلا معناها إفساد نظام الشيء!
    آه والله مكتوبة كده في قاموس المنجد الصفحة رقم 1226 على إيدك اليمين وأنت نازل لتحت!

    في أوروبا والدول المتقدمة.. الكراكيب دي مكانها حاجة من الاتنين..
    إما الاستفادة منها فيما يعرف بـ"إعادة الاستخدام"..يعني الورق القديم والقزايز القديمة و.. و.. كل ده بيتم إعادة إنتاجه من جديد..

    أو إنه يتم التبرع بيها لمن يستحق.. يعني القميص القصير ينفع لجاركم أحمد اللي ساكن على أول شارعكم وظروفه المادية مش ولابد.. كتب المدارس.. تنفع برضه لـ"ناهد" اللي انت عارفة أن والديها بيوفروا مصاريف المدرسة لها بطلوع الروح..

    وفيه كمان اللي بيلمع ويروق الكراكيب دي ويخليها فلة كده ويعرضها للبيع.. ويكسب منها كمان
    آه ده بيحصل
    ]
    avatar
    moony
    جيو محترف
    جيو محترف

    انثى عدد الرسائل : 77
    Localisation : alexandria
    Emploi : student
    university : alexandria university
    تاريخ التسجيل : 12/09/2007

    رد: كراكيب

    مُساهمة من طرف moony في 2007-11-25, 10:11 pm

    هههههههههههههههههه فعلا كل الناس بتستخسر ترمى الحاجات اللى مش ليها لازمة و يمكن تكون الناس دى مش بتهتم بالحاجات القيمه اصلا عادة وحشة جداااااااااااااااا
    avatar
    dooom
    جيو تحت التمرين
    جيو تحت التمرين

    ذكر عدد الرسائل : 14
    Localisation : alex
    university : alex
    تاريخ التسجيل : 18/09/2007

    رد: كراكيب

    مُساهمة من طرف dooom في 2007-11-25, 10:58 pm

    حلوه قوى موضوع الكراكيب بس انكره الكراكيب موت معندكش بيعه للكراكيب اللى عندى
    avatar
    nour
    جيو صاعد
    جيو صاعد

    انثى عدد الرسائل : 35
    العمر : 30
    Localisation : Alex
    تاريخ التسجيل : 25/09/2007

    رد: كراكيب

    مُساهمة من طرف nour في 2007-11-25, 11:43 pm

    موضوع جميلى وواقعى جدآ جدآ احنا بنخاف فعلآ نرمى الحاجة موت كأنها جزء منا ( وعجبى)
    avatar
    delpiero
    جيو صاعد
    جيو صاعد

    ذكر عدد الرسائل : 60
    العمر : 30
    Localisation : Alexandria
    تاريخ التسجيل : 14/09/2007

    رد: كراكيب

    مُساهمة من طرف delpiero في 2007-11-26, 9:17 am

    very nice topic dolcy.....sometimes i give my old things to the poor people........but it be hard feeling,and about europe and modern countries,they are practical and don't make a great consideration for feelings and so on
    avatar
    era11
    جيو صاعد
    جيو صاعد

    عدد الرسائل : 45
    تاريخ التسجيل : 12/09/2007

    رد: كراكيب

    مُساهمة من طرف era11 في 2007-11-26, 7:25 pm

    great topic dolcy

      الوقت/التاريخ الآن هو 2017-11-23, 6:47 am