ابعاد الكون الخفيه

منذ اكتشاف انيشتاين ان الزمان والمكان وحده واحده وان الكون مكون من اربع ابعد وهي الطول والعرض والارتفاع والزمن ، ده البعد الرابع وعارفينه time space continum .
لكننا مش بنشوفه ، لانه لا يري ، طب ايه اتجاهه ، برده مش معروف ، اراهنك لو لقيت ازكي اذكياء العالم لو فهمك ما هو معني الزمن ، الزمن هو اكبر لغز واجه العلماء و الفلاسفه وعلماء الدين
علي راي الدكتور زويل لما قال ان العقل البشري اصغر من انه يفهم المفهوم ده .

سيبنا من الزمن دلوقتي: بعد انشتاين جه عالم اسمه جونار نوردستروم العالم ده فكر في ايجاد بعد خامس يحلهه معضله زمان المكان دي، لانه كان عارف زي ما انيشتاين قال ان الزمان والمكان وحده واحده مكورين في الكون ، بدا الراجل ده يستخدم هندسه ريمان ، وبعده جه عالم اسمه ثيودور كانوزا ، شاع اسمه انه المكتشف للبعد الخامس ، وقال لما انيشتاين اخترع بعد رابع لانه اكتشف ان الزمان المكان مرتبطين ، انا كمان ممكن اوحد نظريه انيشتاين للجاذبيه ، ونظريه ماكسويل للكهرومغناطيسيه عن طريق الخدعه ، خدعه رياضيه انه يكتشف بعد خامس .
احنا كده وصلنا للبعد الخامس ، احنا مش شايفين الرابع اصلا ، ربنا يزيد ويبارك .
بعد كده وحديثا جدا تم اختراع نظريه الاوتار super string التي تنظر للكون علي انه اوتار لاتري بالعين المجرده يعني اقل من واحد علي مليار مليار من حجم الذره ، المهم انها بتتحرك في 11 بعد ، يعني 4 ابعاد احنا عارفينهم ، وسبعه احنا مش بنشوفهم عشان صغيرين جدا (منطويين علي نفسهم ) ويعتقدون انها السبيل الوحيد للجمع بين قوي الكون : القوه النسبيه والكهرومغناطيسيه والنوويه الصغري والقوي العظمي ........... احدي عشر بعد


super strings


بعد كده يطل علينا الدكتور محمد النشائي بنظريه اسماها نظريه القوي الموحده يوحد فيها قوي الطبيعه زي ما قلنا النظريه دي فيها مالانهايه من الابعاد ودي صورته


كمان فيه نظريه او تفكير لراجل اسمه toft حاز علي جايزه نوبل ، ومازال يعيش لحد الان ، بدا يفكر في ان يكون فيه نصف بعد ، يعني ايه ، احنا عارفين ان ممكن يكون فيه بعد او ما يكونش ، مفيش حل وسط ، لكن هوه فكر في حاجه تانيه وقال مثلا لو بصيت علي سطح البحر هتلاقي انه مكون من بعدين ( طوا وعرض) لكن لو قربت هتلاقي ان فيه امواج وده بعد ثالث ، لكنه بعد زائل لذلك يكون نصف بعد half dimension
العمليه معقده انك تفكر في نصف بعد دي .

كده عرفنا ان فيه ابعاد احنا مش بنشوفها ، علي الرغم من ان المجتمع العلمي كان بيعتبر ان اللي بيقول ان فيه ابعاد غير الثلاثه اللي احنا علارفينهم ده يبقي مجنون .

هقولكم تجربه بسيطه ، ضع يديك علي المكتب جنب بعض زي الصوره

حاول تحرك احداهما بحيث تري تماثل بين اليدين بدون ما تعمل دوران يعني تحرك ايدك بالجنب بس بدون ما ترفعها من علي المكتب وتضعهما علي بعض ، في الحاله دي العالم ده مكون من بعدين 2dimension لن تحصل علي تماثل لان يديك مش متماثلين في بعدين بس ، والتماثل ده ناقص او مكسور brocken symmetry لكن لو حصل ودورت ايدك rotation ووضعتها علي اليد التانيه هيحصل تماثل ، كده دلوقتي انته سيبت البعدين ودخلت في بعد تالث dimension 3 اللي حصل فيه التماثل ، دلوقتي العلماء بيقولوا ان التماثل في الكون ناقص لكنه ممكن يكون كامل في الابعاد اللي اكبر من 3 ( الابعاد المكانيه ) ، فلو انته نفسك قدرت تتحرك في ابعاد 4 مكانيه مثلا ممكن تلف وتنطبق علي نفسك .........ههههههه ...... طبعا الكلام ده نظري .... واعتقد انه مستحيل لاننا نري عالم من ثلاث ابعاد بس .

المهم ومن الاخر ان الكون مكون من ابعاد احنا مش بنشوفها ( مش من ثلاث ابعاد بس زي ما احنا عارفين )



وشكرا

الله ينور يا محمود
الموضوع بجد شيق أوي وعشش في دماغي واحسن حجة في الموضوع - بحب اقول الجملة دي جداااااااااا- إنك فاهم اللي بتكتبه
شكراً على الموضوع

تسلم يا اسلام علي معلوماتك انتا عرفتني معلومات جميله.
بس احب اعلق علي حاجات في مقالتك :
اولا : نظريه الكوانتم وحسب رايي الشخصي المتواضع لاتتعارض مع نظريه النسبيه ، احنا ممكن نلاقي ان في جزء من نظريه الكوانتم معارض مع نظريه النسبيه . لكن مش كل النظريه ، ، مع العلم ان في شئ مهم جدا وهو ان نظريه الكم اعتبرت في شغلها الاساسي علي النسيبه ، ( اتبنت علي النسبيه ) لكن هيا اختلف معاها ، لكن لايمكن ان نقول ان يلغي احدهما الاخر ، وهذا لايعني معضله ، خصوصا اننا عارفين ان نظريه النسبيه صح ميه في ميه ، بالرغم من اني سمعت انهم طلعوا فيها غلطه ، النسبيه صحيصحه لان المعادلات الرياضيه سليمه جدا ، ومنطق الرياضيات المستخدم سليم ، وفيه تجارب اثبتت ان كلام انيشتاين صح بالرغم من معارضه ناس كتير له ، علي ان الفضاء منحي ، او الضوء لا يمشي في خطوط مستقيمه .
والشئ التاني ان نظريه الكوانتم سليمه لانها فسرت اشياء كتير زي مثلا لماذا ينبعث جسيمات الفا من النواه المشعه مع ان الجهد الحاجز اكبر بكتير من طاقه جسيمات الفا
مثلا لنواه ذره (86-222) rn نجد ان الجهد الحاجز يساوي 25 mev وطاقه الفا تساوي 4 mev ، طب ازاي الفا ممكن تهرب من النواه مع الفرق ي الطاقه ، اذن قوانين الميكانيكا الكاسيكيه لا تفسر ده ، محتاجين لقوانين ميكانيكا الكم عشان تفسر الموضوع ده ، وتقريبا هوه ده الفرق بين ميكانيكا الكم وميكانيك نيوتن ، ، الكم اللي افترضت ان الجسيم هيصطدم بالجهد الحاجز مرات عديده الي ان يتم اختراقه ، ، وده ما تم اكتشافه عن طريق تلات علماء سنه 1928 (gamow ,gurney,condon)
مع انها غير منطقيه الا انها صحيحه .
العالم كله يعتمد في تكنولوجياته علي ميكانيكا الكم ، التكنولوجيا المعاصره ابسط شئ الكمبيوتر .
اذن ميكانيكا الكم صحيحه لانها تخرج شغلها في المعمل تمام وعمرك ما تلاقي غلطه ، مع انها غير منطقيه ، مفيش معادلات رياضيه لتفسيرها ، تخيل لو بتحسب ثابت الكهرومغناطيسيه ، عمره ما يطلع غلط ، ده حاجه فعلا تحير النظريه دي صح ولا لا .
كده معانا نظريه النسبيه صح ونظريه الكم صح ، طيب اكيد في اخطاء او ثقوب في الحاجات الصح دي ،
حاجه تانيه ومهمه ، انا رايي ان الاختلاف ده عادي ، لاختلاف لوحده في التعامل في الحالتين ، انيشتاين تعامل مع الكون كله والاجرام الكبيره ، كن مدرسه كوبنهاجن لتعليم ميكانيكا الكم تعاملت مع الذره والنواه وبعد كده الكواركات والنيوترونات سواء ميون او تاو...، فمن الطبيعي ان نظريه بحجم النسبيه ان من الصعب تطبيقها علي اجراء من فتافيت الكون ، لان انيشتاين نفسه كان بيحسب حساباته بالنسبه للاجرام الكبيره .

لكن لاتستغرب يا صديقي كلنا نعيش في الدنيا مختلفين ، نحن كمسلمين مثلا لا نتفق الا علي شئ واحد وهو ان الله واحد.

تانيا ان نظريه كل شئ لا تعتبر نظريه ، لانها ثبتت انها غلط سواء بالنسبه للكوانتم او بالنسبه للنسبيه ،
ثالثا انك لو قرات اخر عدد لمجله ساينتيفيك اميريكان ، كان هناك مقاله بعنوان الكون الذكي ، سيبنا بقي من موضوع براين جرين بتاع الكون الانيق ، علي فكره كتاب الكون الانيق ده روعه ، انا شوفت برامج من انتاج bbc لبراين جرين واتكام عن كتابه ده ، وحسيت انه كتاب لا يكيل بذهب خصوصا اننا نفسي الاقيه واقراه ، ارجو لو كان عندك ما تبخلش عليا .

المهم اللي نشر في المجله scientific american انه قد حان الاوان للفتك بنظريه الاوتار ، خصوصا ان معظم الفيزيائيين النظريين يبحتون في النظريه دي ، تقريبا معظمهم ملهم بهذه النظريه ، ولما قال عنها ريتشر ( بلد عجائب ميتافيزيقي)
وقد قالوا ان العمل في نظريه الاوتار مازال يجري علي قدم وساق كانه لايوجد نظريه اخري غيرها .
البروفسير فويت مدرس رياضيات بجامعه كولومبيا ، قال انه اللف والدوران التي يتطلبها نظريه الاوتار في الابعاد الخفيه لا وجود لها ، وعب عنها في كتاب اسمه not even wrong

عالم ثاني اسمه سمولين : له كتاب اسمه the trouble with physics
وقال ان سيطره نظريه الاوتار علي العمل الاكاديمي تلزم الفيزيائي علي العمل فيها والا فانه سيضحي بمستقبله المهني .
من الصعب جدا استيعاب جميع قوي الطبيعه في وعاء واحد ، وان حاول الكثير باضافه فضاءات كثيره ،
لا يمكن اهما كتابات هذان العالمان بسبب نقدهما اللاذع للنظريه .
وقال ستيفن هوكينغ :
اننا علي وشك الاجابه علي سؤال بالغ القدم من اين اتينا ولماذا نحن هنا ؟ اعتمادا علي نظريه الاوتار ،
انا نفسي لا اعتقد اننا سنري المعني ده عن طريق الابعاد المعقوصه ولا نظريه الاوتار ،
لاننا لانستطيع ان نفهم ما هو الزمن ، هل مفهوم االزمن نظريه فلسفسه ولا منطقيه ولا فيزيائيه ولا هوه اساسا لغز ديني . ............ الله اعلم ..... ، لغايه دلوقتي محدش يغرف ما هو الزمن و هل نظريه الاوتار سليمه ولا غلط ............... الله اعلم .
مع اني والله متاكد من ان الكون مكون من ابعاد احنا مش بنشوفها ومش لاقي سبب ليه احنا بنشوف تلات ابعاد بس ، هل تصميم العين نفسه كده3d ولا فيه اشياء تانيه ، مع العلم ان اللي خلاني متاكد ان فيه ابعاد خفيه كده اننا لانري الكون بالشكل الحقيقي ، با الكون هو العالم الذي تفسره لنا الحواس عن طريق الاشارات الكهربيه في الدماغ ، يعني الكون المرئي مش هوه الكون الموجود ، هل ممكن يكون فيه خداع بصري ......... لي اين تذهب الماده والكون يتسع ..... والطاقه طبعا ......... هل ستنتهي الطاقه بانتهاء ماده الكون .....هل سينتهي الكون سنه 2060 كما قال نيوتن في تنبؤاته ....... ماهي بدايه العالم وكيف خلقنا ......متي سنعرف ذلك ....... هنعرفه بعد ما تنتهي البشريه .......ز ولا متي كلنا عارفين اننا قربنا من يوم الحساب..... لم يعد هناك المزيد.........انا اعتقد كما اعتقد انيشتاين ان الشيئان الوحيدان اللذان ليس لهما حدود هي الكون ، وغباء لانسان ..

تشكر يا اسلام علي افادتك الجميله وارجو انك تقرا مقالتي بتركيز ، وانا مبسوط جدا اننا لقيت حد مهتم باهتماماتي , والله بجد مبسوط جدا .